Joriy yilning 27-noyabr kuni taxminan soat 12.30 larda 1963-yilda tugʻilgan A.Q. jamoat joyida, yaʼni Yakkasaroy tumani KXAY koʻchasida 1973-yilda tugʻilgan I.I. bilan oʻzaro kelib chiqqan ogʻzaki mojaro sababli bir marotaba orqasidan tepgan.
Tuman hokimligi Matbuot xizmatining maʼlum qilishicha, bugun “Armugʻon” mahalla guzarida holat boʻyicha Yakkasaroy tuman hokimligi Tashkiliy-kadrlar guruhi rahbari O.Rixsiboyev, tuman Mahalla va nuroniylarni qoʻllab-quvatlash boʻlimi boshligʻi I.Xaitxodjayev hamda tuman Mahalla va nuroniylarni qoʻllab-quvatlash boʻlimi boshligʻinining maslahatchisi T.Sayfullayevlar ishitrokida yigʻilish oʻtkazildi.
Aʼzam Qodirov oʻzining bajarayotgan vazifasiga nomunosib xatti-harakatlarni amalga oshirgani uchun 2022-yil 28-noyabrdan “Armugʻon” mahallasi raisi lavozimidan ozod qilindi.
Shuningdek, IIBBning xabar berishicha, mazkur holat yuzasidan Oʻzbekiston Respublikasi Maʼmuriy javobgarlik toʻgʻrisidagi Kodeksning 183-moddasi (“Mayda bezorilik”) bilan maʼmuriy bayonnoma rasmiylashtirildi. Sud tomonidan huquqbuzarga nisbatan tegishli taʼsir choralari koʻrilishi taʼminlanadi.