Birinchi boʻlimda hisob ochilmadi. Ikkinchi boʻlim avvalida esa musobaqa mezbonlari darvozasi tomon penalti belgilandi. Ushbu vaziyatni Jamshidbek Rustamov aniq ijro etib, hisobni ochdi.
Oradan 6 daqiqa oʻtib hisob 2:0 boʻldi: Oʻzbekiston raqibning yuqori himoya chizigʻidan foydalandi. Faridjon Abdullayevdan Habibullayevgacha bir teginishda aniq uzatmalar seriyasidan soʻng Habibullayev jarima maydoni markaziga toʻpni oshirib berdi va Asilbek Aliyev toʻpni darvozaga joylab qoʻydi.
70-daqiqada Rustamov oʻyinga nuqta qoʻydi va shu tariqa ketma-ket yettinchi marta turnirning pley-off bosqichiga yoʻl olgan va chempionlikka daʼvogarlardan biri sifatida koʻrinayotgan Oʻzbekiston terma jamoasining muvaffaqiyatli oʻyinini yakunladi.
Shu tariqa, Oʻzbekiston 9 ochko bilan A guruhida 1-oʻrinni egallab chorakfinal bosqichiga yoʻllanma oldi. Mezbonlar esa 6 ochko bilan guruhda 2-oʻrinni egallagan holda pley-offga chiqdi. Oʻzbekiston oʻsmirlar jamoasi 13-aprel kuni kuni chorakfinalda V guruhida ikkinchi oʻrinni egallagan jamoaga qarshi maydonga tushadi. Raqib 10-aprel kungi Yaponiya – Avstraliya va Vetnam – BAA uchrashuvidan keyin maʼlum boʻladi.
- Osiyo kubogi U-17. 3-tur.
- Saudiya Arabistoni U17 – Oʻzbekiston U17 – 0:3
- Gollar: 0:1 — 57, Jamshidbek Rustamov, 0:2 — 63, Asilbek Aliyev, 0:3 — 70, Jamshidbek Rustamov.
