Bu haqda huquqshunos, bloger Xushnud Xudoyberdiyev oʻzining telegramida maʼlum qildi.
Qayd etilishicha, u bilan olib borilgan muzokaralar natijasida Gulruhbegim yana Vatanimiz bayrogʻi ostida oʻynashga rozi boʻldi va yurtimizga qaytib keldi.
Jurnalistlar bilan boʻlib oʻtgan matbuot anjumanida qaytish sababi haqida ham savol berildi.
«Gap pulda yoki vaʼdalarda emas, men doim Vatanimiz bayrogʻi ostida qatnashishni xohlaganman. Lekin orada shunday davr boʻldiki, ketishga majbur boʻldim. Agar men Oʻzbekistonda muhit oʻzgarganini, Shaxmat Federateiyasida sportchilarga eʼtibor paydo boʻlganini his qilmaganimda qaytmas edim», — dedi Gulruhbegim.
Maʼlumot uchun: Gulruhbegim Tohirjonova shu paytgacha AQSH terma jamoasining 1-raqamli shaxmatchisi edi. 2023-yilda AQSHda “Yilning eng yaxshi ayol shaxmatchisi” deb topilgan.
Lekin eʼtiborlisi, oxirgi ikkita Olimpiada davomida AQSH va Oʻzbekiston oʻzaro duch kelganda Gulruhbegim oʻz yurtiga qarshi dona surishdan bosh tortgandi.
