Transport vazirligining xabar berishicha, Guliston shahrida jamoat transporti parkini yangilash borasidagi ishlar doirasida “Trans Imkon Servis“ MCHJ tomonidan XXR ishlab chiqarilgan 12 dona “Zhong tong” rusumli shahar tipidagi avtobuslar olib kelindi.
Shuningdek, “Guliston-Terminal“ MCHJ tomonidan 8 dona yangi “Zhong tong” rusumli avtobuslar xarid qilish boʻyicha kelishuv shartnomalari tuzildi. Boshqa mahalliy tadbirkorlar tomonidan ham yangi zamonaviy avtobuslar xarid qilish boʻyicha zaruriy ishlar amalga oshirilmoqda.
Maʼlumot uchun, umumiy hisobda Guliston shahridagi jamoat transportlari uchun jami 65 dona yangi avtobuslar xarid qilishi rejalashtirilgan.
Eslatib oʻtamiz, 2024-yilda Sirdaryo viloyatiga XXR ishlab chiqarilgan zamonaviy turdagi 8 dona “Yutong” rusumli avtobuslar olib kelinib, Guliston shahar yoʻnalishlariga joylashtirilgan edi.
