Muhammad Karim olgan suratlar
Oradan uncha koʻp vaqt oʻtmadi. Ana shunday baxt Guliston shahridagi “Bogʻishamol” mahallada istiqomat qilayotgan Toʻlqin Toʻrayev va Robiya Toʻrayevalarga ham nasib etdi. Ular ham “anorzor” lik Maftuna kabi, Madina, Mustafo, Mubinalarning sevimli ota-onasiga aylandi.
Sirdaryo viloyat perinatal markazi direktori, akusher-ginekolog Xanifa Sodiqova, markaz akusherlari Yulduz Ukibayeva, Svetlana Musabekova yordami bilan chaqaloqlar jarrohlik yoʻli bilan oʻtkazilgan tugʻruq amaliyoti natijasida 15-mayda dunyoga keltirilgan.Tugʻilganda bolalarning vazni 1,6 —1,9 kilogrammdan oshmaganligi bois, ular oʻn besh kun mobaynida markaz vrachlari va hamshiralari nazoratida boʻldi. Ayni vaqtga kelib Madinani vazni 1,83 kilogrammni, oʻrtanchasi Mustafoni vazni 2,37 kilogrammni, eng kichigi Mubinani vazni esa 1,8 kilogrammni tashkil etyapti.
— Chaqaloqlarni salomatligi yaxshi, — deydi markaz direktori Xanifa Sodiqova. — Ularga belgilangan tartibda tibbiy xizmat koʻrsatildi. Oʻn besh kun mobaynida shifokor va hamshiralar nazoratida boʻldi. Bugun esa ularga javob beryapmiz. Endi ular, oila shifokori nazoratida boʻladi. Belgilangan tartibda chaqaloqlar parvarishiga yordam berib, oʻz amaliy maslahatlarini berib boradi.
Madina, Mustafo va Mubina Gulistonlik Toʻlqin Toʻrayev va Robiya Toʻrayevalarning birinchi farzandlari.
Gʻulom Primov,
Sirdaryo viloyat
sogʻliqni saqlash boshqarmasi
matbuot kotibi.