Joriy yil Gʻuzor tumanida 377 ta fermer xoʻjaliklari tomonidan 8650 gektar maydonga gʻalla parvarishlanib, davlatga 18 140 tonna gʻalla topshirish rejalashtirgan boʻlsa, amalda 18 220 tonna don topshirilib, reja 100,4 foizga bajarildi.
— Kuzgi boshoqli don ekinlarini parvarishlash va amalga oshiriladigan agrotexnik tadbirlarini oʻz vaqtida olib borishda omilkor dehqon va fermerlar, sektor rahbarlari, sohaga jalb qilingan masʼullarning koʻrsatgan jonbozligi tufayli rejani ortigʻi bilan bajarishga erishildi, — deydi tuman hokimi Bekzod Suyunov.
Ayni kunda oʻrim-yigʻim ishlari davom etmoqda.
