Ish haftasi oxiriga borib, salqin havoning yana bir qismi kirib kelishi hisobiga harorat +30...+32 darajagacha pasayadi.

Respublika boʻyicha baʼzi joylarda shamol tezligi 13–18 metr/soniyagacha kuchayishi, chang-toʻzonlar bilan kuzatilishi kutilmoqda. 22–23-mayda ayrim joylarda baʼzida shamol 20–22 metr/soniyagacha kuchayishi mumkin.

Togʻ oldi va togʻli hududlarda 22–23-may kunlari baʼzi joylarda qisqa muddatli yomgʻir yogʻishi, momaqaldiroq boʻlishi mumkin.

Toshkent shahrida 19–23-may kunlari havo biroz bulutli, vaqti-vaqti bilan oʻzgaruvchan boʻladi, yogʻingarchilik kutilmaydi.

Bugun kunduzi harorat +28...+30 daraja boʻladi, 20–22-mayda asta-sekin +35...+38 darajagacha koʻtariladi, 23-mayda +30...+32 daraja boʻladi.

22–23-may kunlari shamol tezligi 12–15 metr/soniyagacha kuchayishi, baʼzi joylarda chang-toʻzonlar bilan kuzatilishi mumkin.