Qaror bilan YOshlarni vatanparvarlik ruhida tarbiyalash borasida amalga oshirilayotgan ishlarni baholash bo'yicha tanlov o'tkazish tartibi to'g'risidagi nizom tasdiqlandi.
Unga ko'ra:
- tanlov Qoraqalpog'iston Respublikasi, viloyatlar va Toshkent shahar harbiy-ma'muriy sektorlari o'rtasida har yili 1 yanvardan 20 dekabrgacha sxema asosida o'tkaziladi;
- harbiy-ma'muriy sektorlar tomonidan yoshlarni vatanparvarlik ruhida tarbiyalash borasida amalga oshirilayotgan ishlar to'g'risidagi hisobot hisobot oyidan keyingi oyning 1 sanasigacha elektron ko'rinishda harbiy-ma'muriy sektor rahbarining elektron raqamli imzosi bilan O'zbekiston Respublikasi Mudofaa vazirligiga taqdim etiladi;
- tanlov yoshlarni vatanparvarlik ruhida tarbiyalash borasida amalga oshirilayotgan ishlarni baholash bo'yicha tashkiliy ishchi guruh tomonidan tashkil etiladi va o'tkaziladi;
- O'zbekiston Respublikasi Mudofaa vazirligi tashkiliy ishchi guruhning ishchi organi hisoblanadi;
- tegishli manfaatdor vazirlik va idoralarning mas'ul shaxslari ishchi organ faoliyatida o'z takliflari bilan ishtirok etish huquqiga ega;
- tanlov natijalari har yili yanvar` oyida “Vatan himoyachilari kuni” bayrami arafasida o'tkaziladigan tantanali tadbirda e'lon qilinadi va g'oliblar taqdirlanadi.