Unga koʻra, kontrakt boʻyicha harbiy xizmatchini komandirning (boshliqning) ixtiyoriga oʻtkazish hamda tegishli toʻlovlarni toʻlash holatlari va muddatlari belgilandi.
Jumladan, harbiy xizmatchiga tashkiliy-shtat tadbirlari oʻtkazilishi yoki boshqa lavozimga tayinlanganligi munosabati bilan lavozimdan boʻshatilganda – 2 oydan koʻp boʻlmagan muddatda quyidagi toʻlovlar amalga oshiriladi:
harbiy unvon maoshi, oxirgi egallab turgan asosiy lavozimi boʻyicha lavozim maoshi, xizmat yillari uchun ustama;
maxsus moddiy ragʻbatlantirish jamgʻarmasi hisobidan ustama (15 foizgacha);
bir yoʻla toʻlanadigan pul taʼminoti, qonunchilikda belgilangan tartibda oziq-ovqat payogi uchun kompensatsiya puli va turar joyni ijaraga olganlik (ijarada turganlik) uchun pul kompensatsiyasi.
Shuningdek, harbiy xizmatchi 6 oydan koʻproq muddatga tayyorgarlik, qayta tayyorgarlik va malaka oshirish kurslariga, shu jumladan Oʻzbekiston hududidan tashqariga oʻqishga yuborilganda mazkur toʻlovlar oʻqishning butun muddati davomida saqlanib qolinadi.