Bu haqda Hindustan Times gazetasi xabardi.

Hodisa Haydaroboddan Bangalorga taxminan 44 nafar yo'lovchi bilan yo'lga chiqqan Kaveri Travels kompaniyasining avtobusi milliy avtomagistralda mototsiklga urilib ketganida sodir bo'lgan.

“Ikki g'ildirakli transport vositasi avtobus ostiga tushib, yonilg'i bakiga urilgan holda, tezda portlashga va avtobus bo'ylab alanganing tez tarqalishiga sabab bo'lgan”, dedi politsiya.

Baxtsiz hodisa sodir bo'lgan paytda yo'lovchilarning aksariyati uxlayotgan bo'lgan. Ba'zilar uyg'onib, oynalarni sindirib, tashqariga sakrab chiqishgan, ammo bir necha daqiqa ichida alanga butun avtobusni qamrab olgani sababli ko'pchilik ichkarida qolib ketgan. Mahalliy aholi voqea joyiga tezda yetib kelishdi va o't o'chiruvchilar yetib kelgunga qadar jabrlanganlarni qutqarishga harakat qilishdi.

Politsiya ehtiyotsizlik va yonilg'i oqishi yong'inga sabab bo'lgan bo'lishi mumkinligidan shubhalanib, baxtsiz hodisa holatlarini tekshirishni boshladi. Xabarlarga ko'ra, avtobus haydovchilari baxtsiz hodisadan so'ng darhol voqea joyidan qochib ketishgan. Ular hali ham qidirilmoqda, deb xabar berdi report.az.