Bu haqda Hindiston koinot tadqiqotlari tashkiloti (ISRO) rahbari Vi R. Narayanan ma'lum qildi.
“Dekabr oyida gumanoid robot bilan missiya bo'lib o'tadi”, dedi u.
Vommitra (sanskrit tilidan tarjimada Vyoma – fazo, Mitra – do'st) ismli ayol qiyofasidagi gumanoid robot kapsulada avtonom parvozni amalga oshirish uchun maxsus ishlab chiqilgan. Taxminlarga ko'ra, robot koinot sharoitida kemaning barcha asosiy tizimlari – hayotni ta'minlash tizimlaridan tortib parvozlarni boshqarish tizimlarigacha ishlashini sinovdan o'tkazadi.
“Agar missiya muvaffaqiyatli yakunlansa, kelasi yili biz yana ikkita uchuvchisiz missiyani amalga oshiramiz. Va barcha sinovlar yakunlangach, Bosh vazir Narendra Modi e'lon qilgan asosiy boshqariladigan “Gaganyan” missiyasi 2027-yilning mart oyida ishga tushiriladi”, dedi ISRO rahbari.
2018-yil avgust oyida Hindiston Bosh vaziri Narendra Modi birinchi marta o'z mamlakati orbitaga o'zining birinchi milliy koinot ekipajini yuborishini rasman e'lon qilgan edi. Uning to'rt nafar a'zosi allaqachon Rossiyaning Yulduzli shaharchasida malaka oshirgan va hozir Hindistonda o'qishni davom ettirmoqda. Loyihaning nomi Gaganyan (sanskritcha “gagana” – samo) “samoviy kema” degan ma'noni anglatadi, deb xabar beradi report.az.
