Bir necha oy oldin Hindistonda ishlab chiqarilgan yoʻtal siroplarini isteʼmol qilgan 141 ta bola vafot etgani maʼlum boʻlgan edi.
Ularda diyetilen glikol va etilen glikol borligi aniqlangan — oʻtgan yilning oʻrtalarida Gambiya, Oʻzbekiston va Kamerunda oʻlimga sabab boʻlgan yoʻtal siroplarida boʻlgan bir xil moddalar. Dorilarda diyetilen glikol va etilen glikol masalasi soʻnggi ikki yil ichida birinchi marta CDSCO oylik hisobotlarida paydo boʻldi. Mamlakatda ulushi 42 milliard dollarga yaqin boʻlgan kichik farmatsevtika ishlab chiqaruvchilarni topish boʻyicha faol siyosat olib borilmoqda.
Gujarat shtatining oziq-ovqat va farmatsevtika boshqarmasi xodimi H.G. Koshianing soʻzlariga koʻra, oʻtgan oy Norris zavodini tekshirishdan soʻng, agentlik ishlab chiqarishni toʻxtatib turishga va chiqarilgan dori-darmonlarni qaytarib olishga qaror qildi.
CDSCO laboratoriya sinovlariga koʻra, Trimax yoʻtal siropi tarkibida 0,118 foiz etilen glikol, Sylpro Plus allergiya siropida 0,171 foiz etilen glikol va 0,243 foiz diyetilen glikol mavjud. Shu munosabat bilan, siroplar sifatsiz dori vositalari, qalbaki dori vositalari, shuningdek, kritik miqdorda zaharli moddalarni oʻz ichiga olgan dori vositalari roʻyxatiga kiritildi. Roʻyxat avgust oyida idora veb-saytida eʼlon qilingan. Koshia, Norris yoʻtal siropini baʼzi mamlakatlarga eksport qilganini aytdi, ammo ayni qaysi mamlakatlarga ekanligi maʼlum emas.
Jahon sogʻliqni saqlash tashkiloti (JSST) xalqaro standartlarga koʻra, bunday moddalarning ruxsat etilgan maksimal miqdori 0,10 foizdan oshmaslik kerakligini taʼkidladi.
