Hindustan Timesning Hindiston Qurolli kuchlari vakiliga tayanib xabar berishicha, hind harbiylari hech qanday sababsiz bosqinga “samarali, nazoratli va o'lchovli javob berdi”. “Vaziyat nazorat ostida va yaqindan kuzatib borilmoqda. Hindiston armiyasi nazorat chizig'i bo'ylab tinchlikni saqlash uchun Hindiston va Pokiston qurolli kuchlari o'rtasida 2021-yilda erishilgan o'zaro anglashuv tamoyillariga amal qilish muhimligini yana bir bor ta'kidlaydi”, dedi armiya vakili.

Mahalliy OAV ma'lumotlariga ko'ra, Pokiston askarlarining Jammu va Kashmirdagi Hindiston hududiga bostirib kirishi bilan bog'liq hodisa respublika ichki ishlar vaziri Amit Shohning 7-8-aprel kunlari mintaqaga tashrifidan biroz oldin sodir bo'lgan. Ma'lumotlarga ko'ra, Pokiston qo'shinlari Hindistonga Pokistonparast separatist guruhlardan terrorchi guruhlarning kirib kelishini ta'minlash uchun nazorat chizig'i bo'ylab keskinlikni qo'zg'atgan bo'lishi mumkin. Ayni paytda Punch sektorida keng ko'lamli aksilterror operatsiyasi olib borilmoqda.

Kashmir Hindiston va Pokiston o'rtasida 1947-yilda Britaniya Hindistoni mustaqillikka erishgach, diniy qarashlar bo'yicha ikki davlatga bo'linganidan beri davom etayotgan o'tkir bahs mavzusi bo'lib kelmoqda. Kashmirning davlat chegarasi yo'q, uning hududi Hindiston va Pokiston o't ochishni to'xtatish rejimiga rioya qiladigan nazorat chizig'i bilan bo'lingan. Hindiston qismida esa uni mamlakatdan ajratish tarafdori bo'lgan guruhlar faollik ko'rsatib kelmoqda. Yangi Dehli Pokistonni ekstremistlarni qo'llab-quvvatlashda ayblaydi, Islomobod bu ayblovni rad etadi, deb xabar beradi tass.ru.