Bu haqda Ekologiya va atrof muhitni muhofaza qilish davlat qoʻmitasi xabar berdi. Qoʻmita tomonidan eʼlon qilingan videodan koʻrinishicha, qor qoploni kamera tasmasiga 2020-yil 10-fevral kuni muhrlangan.
Maʼlumotlarga koʻra, qor qoploni Oʻzbekistonning yuqori qor tizmalarida yashovchi jonivor boʻlib, sayyora hayvonot olamining kamyob turlaridan biri hisoblanadi.
Eslatib oʻtamiz, Hisor davlat qoʻriqxonasida qor qoploni 2020-yilning mart va aprel oylarida ham kamera obyektiviga tushib qolgani haqida xabar berilgandi.
2020-yil yanvar oyining boshlarida Oʻzbekistonda avval uchramagan hayvonlar ilk bor kameraga tushirilgani haqida xabar berilgandi. Fevral oyida esa Ustyurtdagi tuzoq kameralar leopardni rasmga olishga muvaffaq boʻlgandi.
Ugom-Chotqol davlat milliy tabiat bogʻida oʻrganishlar chogʻida yoʻqolib ketish xavfi ostida turgan qor qoploni hamda oq tirnoqli Tyan-Shan qoʻngʻir ayigʻi fotoqopqonda qayd etilgandi.