Isroil harbiy-havo kuchlarining Yaman poytaxti Sana va mamlakat shimoli-g'arbidagi Al-Javf viloyatiga uyushtirgan hujumlari oqibatida qurbon bo'lganlar soni 35 nafarga yetdi, dedi Ansor Alloh (husiylar) hukumati Sog'liqni saqlash vazirligi vakili Anis al-Asbahiy.
“2025-yil, 10-sentabr, chorshanba kuni tushdan keyin poytaxt Sana va Al-Javf viloyatiga bir necha bor havo hujumlari uyushtirgan sionistik dushman jinoiy tuzilmasi amalga oshirgan tajovuz qurbonlari soni 166 nafarga yetdi, jumladan, 35 kishi halok bo'ldi, 131 nafari yaralandi”, deb yozadi u.
Sana va Al-Javf viloyatidagi mahalliy hokimiyatdagi manbalarning RIA Novosti agentligiga ma'lum qilishicha, Isroil harbiy-havo kuchlari Sana markazidagi husiylar mudofaa vazirligining ma'naviy yo'l-yo'riq bo'limiga, shuningdek, Al-Javfdagi hukumat majmuasi hududidagi harbiy kazarmalarga zarba bergan.
Shu bilan birga, agentlik suhbatdoshining ta'kidlashicha, Damashqqa zarba berishda jurnalistlar, jumladan ayollar ham jarohatlangan.
Husiylar va SAXAL Isroilning G'azo sektorida harbiy amaliyoti boshlanganidan beri muntazam ravishda bir-birining nishonlariga hujum qilib keladi, deb xabar berdi ria.ru.
