“Shahrisabz pazandachilik bellashuvi” nomi ostida oʻtkazilgan festivalda 30 dan ortiq oshpazlar oʻz davlatlarining eng sara milliy taomlarini tarixiy maydondagi “Hunarmandlar markazi” hududida tayyorlab tadbir ishtirokchilariga taqdim etdi.

IHT Bosh kotibi Husrav Noziri Turizm qoʻmitasi raisi Umid Shadiyev hamrohligida har bir davlat oshpazlari uchun qurilgan oʻziga xos “oshxonalar”da boʻlib, taomlarning tayyorlanishi jarayonlari bilan tanishdi va ularni tatib koʻrib, oshpazlar mahoratiga baho berdi.

Gastronomik festivalda barcha oshpazlar nafaqat xalqaro tadbir ishtirokchilari uchun, balki mahalliy aholi vakillari uchun ham kun davomida xizmat koʻrsatdi, deb xabar beradi Turizm qoʻmitasi matbuot xizmati.