Ichki ishlar vazirligi Shaxsiy xavfsizlik bosh boshqarmasi ma’lumotiga ko‘ra, fuqaro o‘zini ichki ishlar organlarining Qo‘riqlash xizmati xodimi sifatida tanishtrib, nomzodlarni ishga kiritib berishni va’da qilgan.

Tekshiruvda aniqlanishicha, u Qo‘riqlash xizmatiga ishga kirish uchun hujjat topshirgan, tibbiy ko‘rikdan o‘tishda muammosi bo‘lgan fuqaroning ishonchiga kirib, uni tibbiy komissiyadan o‘tkazib berishni va’da qilgan. Buning evaziga o‘z nomidagi bank plastik kartsiga pul o‘tkazdirib, mablag‘ni firibgarlik yo‘li bilan qo‘lga kiritgan.

Shaxsiy xavfsizlik bosh boshqarmasi xodimlari tomonidan o‘tkazilgan tezkor tadbirda gumanlanuvchi ashyoviy dalillar bilan ushlangan.

Mazkur holat yuzasidan 2001 yilda tug‘ilgan fuqaroga nisbatan O‘zbekiston Respublikasi Jinoyat kodeksining 168-moddasi birinchi qismi (firibgarlik) bilan jinoyat ishi qo‘zg‘atilgan. Hozirda tergov harakatlari davom etmoqda.

Ichki ishlar vazirligi mazkur shaxsning xatti-harakatlaridan jabrlangan boshqa fuqarolardan 1102 yoki (71) 231-31-74 telefon raqamlari orqali murojaat qilishni so‘radi. Murojaat qiluvchilarning shaxsi sir saqlanishi kafolatlangan.