Vebinarda ilmiy laboratoriya asbob-uskunalar xaridi koʻzda tutilgan vazirlik va idoralar shu jumladan, tasarrufidagi ilmiy-tadqiqot muassasalarining loyiha hamda xarid jarayoni bilan shugʻullanuvchi xodimlari ishtirok etdi.
Tadbirda Yaponiyaning «Xoriba» kompaniyasi tomonidan hozirgi kunda ishlab chiqarilayotgan zamonaviy ilmiy laboratoriya asbob-uskunalarining taqdimoti boʻldi. Shu bilan birga, ishtirokchilarning mazkur ilmiy laboratoriya asbob-uskunalari toʻgʻrisida qiziqtirgan savollariga javob berildi.
Mazkur tadbirning maqsadi jahonning yetakchi xorijiy kompaniyalarini respublikamizda ishlab chiqarilmaydigan zamonaviy ilmiy laboratoriya asbob-uskunalari bilan taʼminlashga qaratilgan tanlov savdolariga keng koʻlamda jalb etishdir.
Bunda tanlov savdolarini natijadorligini oshirish, innovatsion rivojlanish vazirligi tomonidan ilmiy-tadqiqot muassasalariga yana-da yuqori texnik va funksional xususiyatlarga ega hamda eng soʻnggi jahon standartlariga javob beradigan, keng koʻlamli, dunyo miqyosidagi eksperimental tadqiqotlarni toʻliq amalga oshirish imkoniyatiga ega asbob-uskunalar xarid qilishni taʼminlash koʻzda tutilgan.