AQShning Qimmatli qog'ozlar va birjalar komissiyasi (SEC) milliarder Ilon Maskga nisbatan Twitter, keyinchalik nomi X deb o'zgartirilgan ijtimoiy tarmog'ini sotib olish paytidagi qonunbuzarliklar bo'yicha sudga murojaat qildi.

“Ayblanuvchi Ilon Mask SECga 2022-yil mart oyida Twitterning muomaladagi aktsiyalarining 5% dan ko'prog'ini sotib olgani, qimmatli qog'ozlar to'g'risidagi federal qonunlarni buzganligini oshkor qiluvchi benefitsiar egalik to'g'risidagi ma'lumotni topshirmadi. Natijada Mask aksiyalarni sun'iy ravishda arzon narxlarda sotib olishni davom ettira oldi, bu esa unga benefitsiar egalik to'g'risida hisobot berish muddati tugaganidan keyin sotib olgan aktsiyalari uchun kamida 150 million dollar kam to'lash imkonini berdi”, deyiladi da'vo arizasida.

Regulyator Vashington instansiyasidan Maskga nisbatan fuqarolik jarimasini qo'llashni va hujjatlarga ko'ra va sudning ixtiyori asosida, asossiz boyiganlik uchun tovon to'lashni so'ramoqda, deb xabar beradi ria.ru.