Oʻzbekiston Respublikasi Prezidentining qaroriga muvofiq, Xalq taʼlimi vazirligi va Koreyaning Eksport-import banki tomonidan amalga oshirilayotgan “Maktab taʼlimida axborot-kommunikatsiya texnologiyalarini yana-da rivojlantirish” loyihasi doirasida 2019-2020-yillarda jami 2859 ta oʻquv kompyuter jamlanmasi (43 ming dona kompyuter) oʻrnatildi.
Loyiha doirasida oʻtkazilgan tender savdolari yakunlariga koʻra, vazirlik tomonidan 8,23 mln. AQSH dollar miqdorida mablagʻ iqtisod qilingan.
Maktablarga qoʻshimcha kompyuter sinflari zarur boʻlgani sababli iqtisod qilingan mablagʻlar hisobiga ham KT Corporation tomonidan umumtaʼlim maktablariga qoʻshimcha 951 ta oʻquv kompyuter jamlanmasi, yaʼni 14 mingdan ortiq kompyuter yetkazib berishga kelishildi.
