Uchrashuvda maslahatchi Chakrabartining Oʻzbekistondagi iqtisodiy islohotlarning uzoq muddatli istiqbolga moʻljallangan strategiyasini tayyorlash, davlat boshqaruvi tizimini takomillashtirish, mamlakatimizning xorijiy sheriklar bilan oʻzaro manfaatli munosabatlarini kengaytirish borasidagi taklif va tavsiyalari koʻrib chiqildi.
Davlatimiz rahbari “yoʻl xaritasi” va ustuvor yoʻnalishlar boʻyicha boshqa muhim konseptual hujjatlarni birgalikda puxta tayyorlashni davom ettirish va keyinchalik ularni amalga oshirish zarurligini taʼkidladi.
Investitsiya va ishbilarmonlik muhitini yana-da yaxshilash, davlat ulushi mavjud korxonalarni transformatsiya qilish, yuqori malakali kadrlarni tayyorlash masalalariga alohida eʼtibor qaratildi.
