Natijada mart oyida yurtimizga olib kelingan koronavirusga qarshi vaksinalar miqdori 2 960 640 dozani tashkil qildi. Ushbu Pfizer vaksinalari Shvetsiya, Italiya, Chexiya, Xorvatiya, Ispaniya tomonidan taqdim qilindi.
— Pfizer (TRIS, RTU original)ning boshqa turdagi vaksinalardan, shuningdek, ushbu Pfizerning avvalgi versiyalaridan farqi shuki, yangi partiya vaksinalari virusning eng soʻnggi shtammlariga taʼsir qilish imkoniyati yuqori, — deydi Sanitariya-epidemiologiya qoʻmitasi boʻlim boshligʻi Dilorom Tursunova. — Ushbu vaksinalar yurtimizga COVAX dasturi doirasida yetkazib berilmoqda.
Oʻzbekistonga taqdim qilingan vaksinalarning mamlakatlar kesimidagi taqsimoti quyidagicha:
Shvetsiyadan - 722 880 doza;
Italiyadan - 702 720 doza;
Ispaniyadan - 800 640 doza;
Chexiyadan - 446 400 doza;
Xorvatiyadan - 288 000 doza vaksina keltirilgan.
Maʼlumot uchun, uch kundan keyin mamlakatimizda koronavirus infeksiyasiga qarshi emlash tadbirlari boshlanganiga 2 yil toʻladi.