Bu haqda Livanning Al Mayadeen telekanali mamlakat Sog'liqni saqlash vazirligi bayonotiga tayanib xabar berdi.
Avvalroq Livanning Al Jadeed telekanali Sog'liqni saqlash vazirligi ma'lumotlariga tayanib, zarba oqibatida 3 kishi halok bo'lgani va 74 kishi jarohatlangani haqida xabar bergan edi.
“Livan Sog'liqni saqlash vazirligi: to'rt kishi halok bo'ldi, ulardan ikki nafari bola, 74 kishi yaralandi, bedarak yo'qolganlarni qidirish davom etmoqda”, deyiladi telekanalning Telegram-kanalida.
Seshanba kuni Bayrutning janubiy chekka hududlari Isroil havo hujumlariga uchradi. Isroil mudofaa kuchlari Livan poytaxtiga hujum “Hizbulloh”ning yuqori martabali qo'mondonini yo'q qilish maqsadida amalga oshirilganini tasdiqladi, SAXALga ko'ra, u 12 nafar bolaning halok bo'lishiga sabab bo'lgan hujum uchun javobgar. Rossiya Tashqi ishlar vazirligi Isroilning Livanga bergan zarbalarini xalqaro huquqning buzilishi deb atadi, deb xabar beradi ria.ru.