Ular Tashqi mehnat migratsiyasi agentligi, mamlakatimizning Istanbul shahridagi Bosh konsulxonasiga yordam soʻrab murojaat qilgan edi.

Mazkur murojaatlarni qanoatlantirish maqsadida Tashqi mehnat migratsiyasi agentligi, Bosh konsulxona va Xalqaro migratsiya tashkiloti hamkorligida belgilangan chora-tadbirlar amalga oshirilib, fuqarolar Istanbul-Toshkent yoʻnalishidagi aviareys orqali Oʻzbekistonga olib kelindi.

Moliyaviy qiyin ahvolda qolgan yurtdoshlarimizni Toshkent xalqaro aeroportida Tashqi mehnat migratsiyasi agentligi va Xalqaro migratsiya tashkiloti masʼul xodimlari kutib oldi va ular yashash manziliga kuzatildi.