Toshkent shahar IIBB holat yuzasidan quyidagilarni maʼlum qildi.
Joriy yilning 1-iyul kuni taxminan soat 20.25 larda Yunusobod tumani, Iftixor koʻchasida oldindan oʻzaro tanish boʻlgan fuqarolar 1988-y.t. N.T., 1993-y.t. S.Q., 1987-y.t. D.Q., 1995-y.t. H.Q., 1994-y.t. J.I., 1997-y.t. Sh.O.lar qarz masalasida ogʻzaki janjallashgan. Fuqarolar S.Q., D.Q,, H.Q.lar jamoat tartibini buzgan holda jamiyatda yurish-turish qoidalarini qasddan mensimay, N.T.ni urib tan jarohati yetkazishgan. Soʻng N.T.ni oʻzligi kelgan avtomashinada uyi oldiga olib borishgan.
N.T.ga shifoxonada birlamchi tibbiy yordam koʻrsatilganidan soʻng u uyiga ketgan.
Mazkur holat yuzasidan Yunusobod tumani IIO FMB huzuridagi Tergov boʻlimi tomonidan Oʻzbekiston Respublikasi Jinoyat kodeksining 277-moddasi (“Bezorilik”) bilan jinoyat ishi qoʻzgʻatilgan. Gumon qilinuvchilar protsessual tartibda ushlangan. Tergov davom etmoqda.