Jamoat transporti tizimidagi oʻzgarishlarni tizimli davom ettirish zarurligi taʼkidlandi.
Transport vazirligiga yil yakunigacha barcha viloyat markazlarida yoʻlovchi tashishni brutto-shartnoma asosida moliyalashtirishni joriy qilish topshirildi.
Shuningdek, 1 mingta avtobus olib kelish rejasini toʻliq bajarib, hududlarga yetkazish vazifasi qoʻyildi.
Jamoat transportida elektron toʻlov tizimini toʻliq joriy qilib, uni ommalashtirish Transport vazirligining ustuvor vazifalaridan biri boʻladi.
Paxta-toʻqimachilik klasterlarining moliyaviy barqarorligi bilan bogʻliq masalalar koʻrib chiqildi. Ularga berilgan imtiyozli kredit muddati 2025-yil 1-aprelgacha uzaytirilishi belgilandi.
Vazirlik, idoralar va hokimliklarning Kooperatsiya portalidagi ishtiroki yetarli emasligi qayd etildi. 63 mingta mahalliy korxonadan atigi 5 foizi mahsulotini portalga chiqarmoqda.
