Shaxmat boʻyicha onlayn tarzda oʻtkazilgan “Titled Tuesday” turnirida yosh grossmeysterimiz Javohir Sindorov muvaffaqiyatli ishtirok etdi.
Turnir gʻolibligi 11-turda 10 ochko jamgʻargan polshalik Yan-Krishtof Dudaga nasib etdi. 11 imkoniyatdan 9 ochko jamgʻargan Sindorov qoʻshimcha koʻrsatkichlarga koʻra, 2-oʻrinni qoʻlga kiritdi. Amerikalik Kristofer Yu 3-oʻrindan joy oldi.
Onlayn turnir gʻolibi 1 ming AQSH dollar pul mukofoti sohibi boʻlgan boʻlsa, Sindorov 750, 3-pogʻonani band etgan shaxmatchi 350 dollarga sazovor boʻldi.
FIDE Jahon kubogi yarim finali oldidan Javohir Sindorov oʻz fikrlarini bildirdi. Uning aytishicha, ikki nafar oʻzbek shaxmatchisining yarim finalga chiqishi mamlakatda shaxmatga berilgan eʼtibor va yaratilgan shart-sharoitlarning samarasidir.
Hindistonning Goa shahrida oʻtayotgan 2025-yilgi Shaxmat boʻyicha Jahon kubogi musobaqasida oʻzbekistonlik mahoratli sportchilar yangi tarix yozdi. Chorak final bosqichida ham Nodirbek Yakubboyev, ham Javohir Sindorov oʻz raqiblarini magʻlub etib, yarim finalga yoʻl oldi.
Shu yilning 22–29-sentyabr kunlari Peru poytaxti Lima shahrida 20 yoshgacha boʻlgan yoshlar oʻrtasida rapid (tezkor) va blis shaxmat yoʻnalishlari boʻyicha Jahon chempionati boʻlib oʻtdi.
