Bu haqda Yoʻl harakati xavfsizlik xizmati xabar berdi.
Qayd etilishicha, tumanning “Buyuk ipak yoʻli“ MFY hududidan oʻtuvchi M-39 avtomobil yoʻlining 957-kilometrida haydovchi, 1986-yilda tugʻilgan E.Q. boshqaruvidagi “Faw” rusumli hamda haydovchi, 1993-yilda tugʻilgan A.E. boshqaruvidagi “Howo A7” rusumli yuk avtomobillari ishtirokida yoʻl-transport hodisasi sodir boʻldi.
Hodisa natijasida tan jarohati olgan fuqarolar yoʻq. Transport vositalariga texnik shikast yetgan.
Hozirda holat yuzasidan Jizzax viloyati IIB JXX YHXB xodimlari tomonidan surishtiruv harakatlari olib borilmoqda.
