Sessiyada tashkiliy masala koʻrib chiqildi. Prezident Xorazm viloyati hokimi lavozimiga hokim vazifasini bajarib kelayotgan Rahimov Joʻrabek Rahimovich nomzodini tavsiya etdi.
Nomzod viloyatda aholi bandligini taʼminlash va daromadini oshirish, oziq-ovqat xavfsizligini taʼminlash, sanoatni rivojlantirish, energetika quvvatlarini oshirish, ijtimoiy masalalarni hal etish, mahallada yashash sharoitlarini yaxshilash boʻyicha rejalarini taqdimot qildi.
Soʻng Xorazm viloyati hokimini tayinlash masalasi ovozga qoʻyildi. Ovozga qoʻyish natijalariga koʻra, Joʻrabek Rahimov viloyat hokimi etib tasdiqlandi.
Ayni paytda sessiyada viloyatni yanada rivojlantirish istiqbollari muhokama qilinmoqda, kelgusi reja va vazifalar belgilab olinmoqda.
