Jahon sog'liqni saqlash tashkiloti COVID-19 pandemiyasi paytida antibiotiklarning noto'g'ri ishlatilishi sababli ularga qarshilik kuchayishi mumkinligi to'g'risida ogohlantirdi. Bu haqda JSSTning Evropa mintaqasida o'tkazilgan tadqiqotda aytildi, deya xabar bermoqda RIA Novosti.
“Jismoniy shaxslar va sog'liqni saqlash muassasalari tomonidan uzoq vaqtdan beri qo'llanilayotgan antibiotiklardan foydalanish muammosi COVID -19 pandemiyasi tufayli yomonlashmoqda...” Antibiotiklar COVID-19 singari infeksiyalarning oldini olmasligi yoki davolamasligiga qaramay, Evropaning ayrim hududlarida pandemiya davomida kasallik holatlarining ko'payishi bilan antibiotiklardan foydalanish ham ortgan. Tadqiqotga ko'ra, antibiotik qabul qilganlarning 79-96 foizi COVID-19ni yuqtirmagan, ammo yuqtirmaslik uchun dori ichgan.
Shuningdek, kasalxonaga yotqizilganlar orasida bemorlarning atigi 15 foizi antibiotiklarga muhtoj bo'lgan, chunki ular bir vaqtda bakterial infeksiya bilan kasallangan, ammo yuqtirganlarning 75 foiziga dori berilgan.
Ta'kidlanishicha, sefalosporin sinfining uchinchi avlod antibiotiklari tez orada o'z samarasini yo'qotishi mumkin, chunki COVID -19 pandemiyasi boshida bir qator Evropa tibbiyot muassasalari virusni ayni shu dori bilan davolashga harakat qilishgan.
