Bu haqda Surxondaryo Bojxona boshqarmasi xabar berdi.

Oʻtkazilgan tadbirlar doirasida shu yilning 3-iyul kuni tungi soat 22:40 larda "Ayritom" chegara bojxona postining "kirish" avtopoviloniga kirib kelgan Oʻzbekiston Respublikasi fuqarosi boshqaruvidagi yuk avtotransport vositasi belgilangan tartibda tekshirildi.

Tekshiruvlar chogʻida, avtotransport vositasi kabinasidagi xufiya joyga berkitilgan 7 ta sariq rangli skoch bilan oʻralgan oʻramlar borligi maʼlum boʻldi. Shundan soʻng, ushbu oʻramlar ochilib, maxsus elektron tarozida oʻlchab koʻrilganda 3 ta oʻramda jami ogʻirligi 3kg. boʻlgan "opiy" va 4 ta oʻramda ogʻirligi 4kg. 950 gr. boʻlgan "gashish" giyohvandlik vositalari borligi aniqlandi.

Hozirda, ushbu holat yuzasidan tergovga qadar tekshiruv harakatlari olib borilmoqda.