Yangiyo‘l tumani “Baytish” va “Ko‘kalamzor” mahallalarini bog‘lovchi, davlat ahamiyatidagi D-022 yo‘lda joylashgan Kalgan-Chirchiq kanali ustidan o‘tgan ko‘prik yangidan qurilib, foydalanishga topshirildi. 1967-yilda qurilgan mazkur ko‘prik texnik jihatdan eskirib, ta’mirtalab holga kelgan edi.
Ko‘prik qayta qurilib, transport vositalari harakati uchun qulay va xavfsiz muhit yaratildi. Tadbirda tuman hokimi Odiljon Ataullayev, rasmiylar, nuroniylar va keng jamoatchilik ishtirok etdi.
Tuman hokimi O.Ataullayev so‘zga chiqib, mazkur infratuzilmaviy loyihaning ahamiyati, xalq farovonligi va xavfsizligini ta’minlashdagi o‘rni haqida to‘xtalib o‘tdi.
