Boboqulov Sirojiddin Suyunovich Oʻzbekiston Respublikasi Kambagʻallikni qisqartirish va bandlik vazirining oʻrinbosari vazifasini bajaruvchi etib tayinlandi.
Tayinlovga qadar S. Boboqulov Oʻzbekiston Respublikasi Bosh vaziri kotibiyati “Mahalla yettiligi”, yoshlar siyosati va maʼnaviyat masalalari departamenti Tashqi mehnat migratsiyasi masalalari boʻlimi boshligʻi lavozimida faoliyat yuritgan.
Sogʻliqni saqlash vazirligining tegishli buyrugʻi bilan Asamutdinov Jaloliddin Sharafutdinovich Tibbiyot tashkilotlarini litsenziyalash va akkreditatsiyalash markazi direktori etib tayinlandi.
Dadamirzayev Sanjarbek Alijanovich Andijon viloyati Ekologiya, atrof-muhitni muhofaza qilish va iqlim oʻzgarishi boshqarmasi boshligʻi lavozimiga tayinlandi.
Erlepesov Nurullan Umirzakovich Qoraqalpogʻiston Respublikasi Vazirlar Kengashi Raisining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — iqtisodiyot va moliya vaziri lavozimiga tayinlandi.
