“Ushbu [AQSh] tariflari bekor qilinmaguncha, bu tariflar tahdidi abadiy yo'qolmaguncha, Ontario orqaga chekinmaydi”, dedi Ford Torontodagi jurnalistlarga, uning chiqishi CTV tomonidan efirga uzatildi. Fordning qo'shimcha qilishicha, unga ishonib topshirilgan hudud AQShga “maksimal bosim” o'tkazishda davom etadi. Ontario viloyati tomonidan ko'rilayotgan bunday chora AQShning uchta shtatidagi 1,5 millionga yaqin uy va boshqa binolarga ta'sir qiladi.
4-mart kuni AQSh ma'muriyati Kanada va Meksikadan import qilinadigan deyarli barcha mahsulotlarga 25 foizlik bojxona to'lovlarini joriy qildi, shuningdek, Xitoydan olib kelinadigan tovarlarga tariflarni 10 foizdan 20 foizga oshirdi, deb xabar beradi tass.ru.
Kanada Bosh vaziri Jastin Tryudo o'shanda Qo'shma Shtatlar Kanadaga qarshi savdo urushini boshlaganini aytdi, shuning uchun Ottava Vashingtonga javob tariflarini kiritdi. Kanada 155 milliard Kanada dollari (107,4 milliard dollar) qiymatidagi Amerika tovarlariga 25 foizlik bojlar joriy qilmoqda, dedi u.
