Oʻzbekiston Respublikasi Gidrometeorologiya xizmati markazining bosh direktori Sherzod Xabibullayev oʻzining ijtimoiy tarmoqlardagi sahifasiga tezkor gidrometeorologik axborot joyladi.

Xabarda aytilishicha, joriy yilning 22-26-oktyabr kunlari Oʻzbekiston hududiga Kaspiy dengizi hududlaridan nam havo, soʻngra Volga boʻyi hududlaridan sovuq havo massalari kirib keladi.

22-26-oktyabrda respublika boʻyicha vaqti-vaqti bilan yomgʻir yogʻadi, shuningdek, 22-oktyabrda Qoraqalpogʻistonda, Xorazm, Buxoro, Navoiy viloyatlarida baʼzi joylarda yomgʻir yogʻadi;

23-oktyabrda respublika boʻyicha baʼzi joylarda yomgʻir yogʻadi, Buxoro, Navoiy viloyatlarida kechasi va ertalab baʼzi joylarda yomgʻir yogʻadi. Qoraqalpogʻistonda, Xorazm viloyatida yogʻingarchilik kutilmaydi;

24-oktyabrda respublika boʻyicha baʼzi joylarda yomgʻir yogʻishi mumkin. Qoraqalpogʻistonda, Xorazm, Buxoro, Navoiy viloyatlarida yogʻingarchilik kutilmaydi.

25-oktyabrda Qoraqalpogʻistonda, Xorazm viloyatida yomgʻir yogʻadi.

26-oktyabrda respublika boʻyicha baʼzi joylarda yomgʻir yogʻadi. Qoraqalpogʻistonda, Xorazm viloyatida yogʻingarchilik kutilmaydi.

23-26-oktyabr kunlari togʻ oldi va togʻli hududlarda vaqti-vaqti bilan yogʻingarchilik (yomgʻir, qor) boʻladi, baʼzi joylarda kuchli boʻladi.

21-22-oktyabr va 25-oktyabr kunlari shimolda va choʻl hududlarda, 23-oktyabr va 26-oktyabrda respublika boʻyicha baʼzi joylarda shamol 15-20 m/s gacha, 26-oktyabrda baʼzida 23-25 m/s gacha kuchayishi, ayrim joylarda chang-toʻzonlar kuzatilishi mumkin. Respublika boʻyicha havo harorati meʼyordan 8-10 darajaga pasayishi kutilmoqda.