Oilaviy tadbirkorlik dasturlariga kredit resurslari faqat davlat mablagʻlaridan ajratilmoqda.
Xalq banki tashabbusi bilan Osiyo taraqqiyot bankining moliyaviy ommaboplik dasturi doirasida 50 million soʻmgacha ortiqcha hujjat va garovsiz kredit berilmoqda. Bu tashabbusni qoʻllab-quvvatlab, Osiyo taraqqiyot banki dasturga 150 million dollar ajratishga tayyor.
Ushbu namuna asosida kelgusi yilda 9 ta davlat bankiga chetdan 1 milliard dollar kredit jalb qilib, 250 ming odamni daromadli qilish tavsiya qilindi.
Mahallalar darajasida hokimlar banklar bilan hamkorlikda ishlashi zarurligi qayd etildi. Ular mahallalarda 4 ta tajribani kengaytirib, odamlar daromadini oshirish boʻyicha birgalikda ishlaydigan tizim boʻladi.
Banklar ishtirokida 13 ta tumanda sanoatlashgan plantatsiya tashkil qilish boshlandi. Bu yerlarda “yetishtirish – qayta ishlash – sotish” zanjiri asosida yuqori qoʻshilgan qiymat yaratilmoqda.
Bugungi yigʻilishga tayyorgarlik doirasida 2025-yilda 5 milliondan ziyod aholini daromadli qilish, 1,5 million odamni kambagʻallikdan chiqarish mahallabay hisob-kitob qilingan.
