Oʻzbekistonda kollej va texnikumlarga jami 106 256 ta qabul kvotasi tasdiqlandi.
Bu haqda Oliy taʼlim, fan va innovatsiyalar vazirligi xabar berdi.
Oliy taʼlim, fan va innovatsiyalar vazirining buyrugʻi bilan 2024/2025 oʻquv yilida kollej va texnikumlarga kunduzgi, kechki, sirtqi va dual taʼlim shakllari boʻyicha jami 106 256 ta qabul kvotasi tasdiqlandi.
Shundan:
— 45 ta kollej uchun — 15 ming 977 ta;
— 218 ta texnikum uchun — 90 ming 279 ta.
Hozirda professional taʼlim tizimi 3 turdagi jami 672 ta muassasa: 333 ta kasb-hunar maktabi, 112 ta kollej va 227 ta texnikumdan iborat boʻlib, ushbu muassasalar tabaqalashgani va dasturlari oʻrtasida uzviylik boʻlmagani natijasida ularning quvvatlaridan unumli foydalanilmayotgani aniqlangan.
“Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida”gi Prezident Farmoni (PF-158-son, 16.10.2024-y.) qabul qilindi .
