Dastlabki ma'lumotlarga ko'ra, halok bo'lganlar yo'q, dedi Rossiya Tergov qo'mitasining G'arbiy mintaqalararo transport boshqarmasi. Vorkuta rasmiylarining aniqlik kiritishicha, jabrlanganlar bor – o'nga yaqin yo'lovchining ahvoli og'ir.

Inta ma'muriyati ma'lumotlariga ko'ra, vagonlar stansiyadan chiqqanidan ko'p o'tmay relsdan chiqib ketgan. Poyezdda 232 kishi bo'lgan, taxminlarga ko'ra, halokat yo'ldagi nosozlik tufayli sodir bo'lgan.

Shimoli-g'arbiy transport prokuraturasi tomonidan tekshiruv tashkil etilib, jinoyat ishi qo'zg'atildi.

Bu uchastkada poyezdlar harakati to'xtatildi, u yerga Komi rahbari Vladimir Uyba uchib ketdi, deb xabar beradi ria.ru.