Xususan, “Toshkent Pharma Park” innovatsion ilmiy-ishlab chiqarish farmatsevtika klasterining ilmiy-tadqiqot va taʼlim komponentlarini yaratish”, “Milliy onkologiya markazini qurish” va “Kattalar uchun koʻp tarmoqli tibbiy klinika” loyihalarining amalga oshirilishi koʻrib chiqildi.
Iqtisodiyotning turli sohalarida hamkorlikni rivojlantirish istiqbollari yuzasidan fikr almashildi. Eksimbank vakillari Oʻzbekiston tomonidan tayyorlangan 2023-2025-yillarga moʻljallangan yangi istiqbolli tashabbuslarning roʻyxatini koʻrib chiqib, loyihalarni tanlash va birgalikda amalga oshirish tartib-taomillarini soddalashtirishga tayyor ekanliklarini bildirdilar.
Uchrashuv yakunida tomonlar hamkorlikning dolzarb masalalari boʻyicha har oyda muzokaralar olib borish va oʻzaro munosabatlarning barcha muhokama qilingan yoʻnalishlari boʻyicha birgalikda ishlashni davom ettirish toʻgʻrisida kelishuvga erishdilar, deb xabar beradi Investitsiyalar va tashqi savdo vazirligi matbuot xizmati.