Portugaliya terma jamoasi futbol bo'yicha Yevropa chempionati boshlanishi oldidan so'nggi o'rtoqlik uchrashuvini o'tkazdi. 18-daqiqadayoq Joau Feliks hisobni ochdi.
50-daqiqada Ronaldu jarima maydonchasiga yorib kirdi va darvozabonga imkoniyat qoldirmay to'pni darvozaning uzoq burchagiga yo'llab, hisobni oshirdi. 11 daqiqadan so'ng u jarima maydonchasi markazidan darvozani ishg'ol etdi.
Irlandiya terma jamoasiga qarshi o'yin Krishtianu uchun yuqori darajadagi 1226-o'yin bo'ldi. Xalqaro futbol tarixi va statistikasi federatsiyasi (IFFHS) ma'lumotlariga ko'ra, bu o'tkazilgan o'yinlar soni bo'yicha yangi jahon rekordidir.
2002-yildan beri Krishtianu Ronaldu Portugaliya, Angliya, Ispaniya, Italiya va Saudiya Arabistoni chempionatlarida 698 ta, kubok va superkuboklarda esa 101 ta o'yin o'tkazgan. Bundan tashqari, u xalqaro klub turnirlarida 220, terma jamoada esa 207 uchrashuvda maydonga tushgan.
Avvalgi rekordchi, braziliyalik darvozabon Rojerio Seni 1225 o'yin o'tkazgan, deb xabar beradi tengrisport.kz.
