Bu haqda respublika tashqi ishlar vaziri vazifasini bajaruvchi Abdalla Bu Habib ma'lum qildi, deb xabar beradi report.az.
“Agar Isroil Livanga bostirib kirsa, bu tashqi o'yinchilar ishtirok etadigan mintaqaviy urushga olib kelishi mumkin”, dedi vazir vazifasini bajaruvchi. “Mojaro nafaqat Livan va Isroil uchun halokatli oqibatlarga olib keladi, balki qo'shni Suriya va Iordaniya uchun ham dahshatli bo'lishi mumkin”.
Bu Habib, shuningdek, Livan hukumati Isroil bilan chegarada barqarorlikni tiklash va mavjud chegaradagi kelishmovchiliklarni muzokaralar yo'li bilan hal etish tarafdori ekanini ta'kidladi. “Bir-birini o'ldirish eng yaxshi yechim emas, bu xavfsizlikni ta'minlamaydi, bizga muloqot va xotirjamlik kerak”, dedi u.
Uning so'zlariga ko'ra, “janubdagi barqarorlik pirovardida kuchli Livan armiyasi va chegara kelishuviga bog'liq”. “Bu 2006-yilda Isroil va janubdagi “Hizbulloh” shialar o'rtasidagi mojaroni to'xtatgan BMT Xavfsizlik Kengashining 1701-rezolyutsiyasining barcha tomonlar tomonidan qat'iy bajarilishiga bog'liq”, deya ta'kidladi u.
