eslatib o'tamiz, 2018 yil 1 iyundan davlat madaniyat muassasalari ma'muriy-boshqaruv, badiiy-rahbar, artist, ijodiy va boshqa xodimlarining mehnat haqi miqdorlari o'rtacha 45%ga oshirildi. O'sha paytda mehnatga haq to'lash guruhlarini inobatga olgan holda xodimlarning malaka toifalari va lavozimlari bo'yicha bazaviy lavozim maoshlari tasdiqlandi.
2020 yil 1 fevraldan boshlab byudjet muassasalari va tashkilotlari xodimlarining ish haqi miqdori 1,07 baravarga yoki 7%ga oshirildi. Tegishincha, quyidagilarning maoshlari xuddi shu tarzda indeksatsiya qilindi:
- teatrlar va tsirklarning ma'muriy-boshqaruv va badiiy-rahbar xodimlari;
- teatrlar artist xodimlari;
- kontsert tashkilotlari va saroylari (teatr-kontsert saroyi) ma'muriy-boshqaruv va badiiy-rahbar xodimlar;
- kontsert tashkilotlari, musiqa va raqs jamoalari, shuningdek tsirklardagi artist xodimlari;
- hayvonot bog'i xodimlari;
- davlat muzeylari, muzey-qo'riqxonalari, uy-muzeylari va boshqa muzey turidagi tashkilotlardagi ma'muriy-boshqaruv xodimlari, shuningdek ijodiy xodimlari va mutaxassislari;
- madaniy-ma'rifiy muassasalarning ma'muriy boshqaruv, ijodiy va boshqa xodimlari xodimlari;
- madaniyat markazlari xodimlari.
Ayrim muassasalar va xodimlar toifasi kesimidagi oshiruvchi koeffitsientlar o'zgarishsiz qoldirildi. Ish beruvchilar-byudjet muassasalariga yangi raqamlarni hisobga olib o'z xodimlarining ish haqlarini qayta hisoblab to'lash topshirildi.
Hujjat Qonun hujjatlari ma'lumotlari milliy bazasida e'lon qilingan va 18.06.2020 yildan kuchga kirdi.
Oleg Zamanov.