2023/2024-oʻquv yili uchun davlat oliy taʼlim muassasalarining magistratura mutaxassisliklariga qabul boʻyicha http://magistr.edu.uz elektron tizimi orqali onlayn roʻyxatdan oʻtgan 20 054 nafar fuqaroning arizalari toʻliq koʻrib chiqildi.
Roʻyxatdan oʻtgan talabgorlardan 9 074 nafarining hujjati belgilangan talab darajasida boʻlmaganligi sababli asoslantirilgan holda rad etildi. Talab darajasida boʻlgan 10 980 nafar talabgor arizasi tanlovda ishtirok etdi.
Tanlov natijalariga koʻra, 6 393 nafar talabgor oʻqishga tavsiya etildi. Shundan:
davlat granti — 3 238 nafar;
toʻlov-kontrakt — 3 155 nafar.
Toʻlov-kontrakt asosida oʻqishga tavsiya etilgan talabgorlarning 2 160 nafarini xotin-qizlar tashkil etadi.
Talabgorlar natijalarni http://magistr.edu.uz elektron tizimi orqali shaxsiy kabinetidan bilishlari mumkin.
Eslatma: Prezident qaroriga asosan, oliy taʼlim muassasalarining magistratura bosqichiga bazaviy toʻlov-kontrakt asosida qabul qilingan xotin-qizlarning toʻlov-kontrakt summasi davlat budjeti mablagʻlari hisobidan qoplab beriladi.
