U bu fikrini France Inter radiosi orqali bildirdi, deb xabar beradi rbc.ru.
“Menimcha, hozir ustuvor vazifa siyosiy kelishuvga qaytish. G'azodagi janglar uchun qurol yetkazib berishni to'xtatish kerak”, dedi u.
BFMTV telekanalining Yelisey saroyiga tayanib yozishicha, qurol embargosi qo'yilgan taqdirda Parij Tel-Avivni mamlakat mudofaasi uchun zarur vositalar bilan ta'minlashda davom etadi.
Makronning so'zlariga ko'ra, Isroil Bosh vaziri Benyamin Netanyaxuning siyosati “xato, shu jumladan Isroil xavfsizligi uchun”. Prezident Isroilning Livandagi amaliyoti haqida ham shunday dedi: “Livan xalqi qurbon bo'lmasligi kerak, Livan esa yangi G'azoga aylanmasligi kerak”.
Netanyaxu Makronning so'zlarini “sharmandalik” deb atadi. Uning ta'kidlashicha, Eron husiylar, HAMAS va “uning boshqa vakillariga” qurol yetkazib berishni to'xtatmayapti, ammo “bu terror o'qiga qarshi chiqqan davlatlar Isroilga qurol embargosi joriy etishni talab qilmoqda”. Bosh vazirning ta'kidlashicha, Isroil g'arb hamkorlari ko'magi bilan yoki ularning yordamisiz g'alaba qozonadi.
