Qirg'iziston Ta'lim va fan vazirligining Maktab ta'limi boshqarmasi maktablarda davlat imtihonlari o'tkazilmasligi, baholar chorak ballari asosida qo'yilishi haqida 24.kg axborot agentligiga ma'lum qildi.
Ta'kidlanishicha, bu qaror koronavirus epidemiyasi bilan bog'liq vaziyatda qabul qilingan. “O'tgan yili bolalar kasal bo'lmagan, bu yil nafaqat o'qituvchilar, balki o'quvchilar ham kasal bo'lishmoqda.
Imtihonlar 2-iyunda boshlanadi, o'sha paytgacha vaziyat qanday bo'lishini bilmaymiz. Biz ularning sog'lig'i haqida qayg'uramiz”, — deyiladi xabarda.
Boshqarmaning ta'kidlashicha, bahsli fikrlar bo'lsa, ballar oshirilib, maktab o'quvchilari foydasiga qo'yiladi. O'tgan yili koronavirus virusining tarqalishi sababli yakuniy davlat attestatsiyasi ham bekor qilingan edi.
