Oʻzbekiston Respublikasi maktabgacha va maktab taʼlimi vazirining birinchi oʻrinbosari — Maktabgacha taʼlim agentligi direktori A.Shin bugun Koreya-Oʻzbekiston Biznes Assotsiatsiyasi raisining birinchi oʻrinbosari janob Kim Chang Keon va “EdulinkGlobal”ning Ijrochi direktori Chungrim Xan xonim bilan uchrashuv oʻtkazdi.
Uchrashuv davomida Oʻzbekiston Respublikasi maktabgacha taʼlim tizimini raqamlashtirishga qaratilgan “S-board” taʼlim platformasini joriy etish boʻyicha dolzarb masalalar muhokama etildi. Tomonlar, shuningdek, “S-board” platformasi ishlab chiquvchilarini mamlakatimiz maktabgacha taʼlim tizimi pedagoglari uchun onlayn oʻquv seminarlarini oʻtkazishga taklif etish masalasini muhokama qildilar.
Janob Kim Chang, oʻz navbatida, Koreya-Oʻzbekiston Biznes Assotsiatsiyasi Oʻzbekistonda maktabgacha taʼlim tizimini yanada rivojlantirishga koʻmaklashishini va Maktabgacha taʼlim agentligi bilan amalga oshirilayotgan barcha qoʻshma loyihalarni muvaffaqiyatli amalga oshirish uchun barcha saʼy-harakatlarini amalga oshirishini maʼlum qildi, deb xabar beradi Maktabgacha taʼlim agentligi matbuot xizmati.
Uchrashuv yakunida tomonlar respublika aholisi oʻrtasida “S-board” taʼlim platformasini ommalashtirish boʻyicha saʼy-harakatlarni birlashtirishga qaror qildilar.
