Andijondagi 400 dan ziyod mahallada aholiga tunu kun xizmat koʻrsatadigan xususiy tibbiyot punktlari tashkil qilindi. Bu yerda qon bosimini oʻlchash, ukol qilish, fizioterapiya kabi birlamchi oddiy xizmatlar koʻrsatiladi.

Prezidentimiz bu tajribani maʼqullab, mutasaddilarga bu yil ushbu tizimni qolgan viloyatlardagi kamida 100 tadan mahallada yoʻlga qoʻyishga topshiriq berdi.

Andijonda zamonaviy xususiy klinikalar tashkil etish uchun olti oy davomida sotilmagan davlat obyektlari tadbirkorlarga toʻgʻridan-toʻgʻri 5-yil muddatga ijaraga beriladi, keyinchalik bu obyektlar ularning oʻziga xususiylashtirib beriladi.

Soʻnggi yillarda texnikumlar boʻyicha ham katta islohotlar boʻldi. Lekin Andijondagi 56 ta texnikumning barchasida ham ishlar yangicha tashkil etilmayapti.

Masalan, Andijon 4-son texnikumi va Paxtaobod 2-son texnikumida talabalarning bir vaqtning oʻzida oʻqishi va ishlab, daromad topishi boʻyicha ijobiy tajriba yaratilgan.

Maktablardagidek oʻz ustida ishlab, salohiyati va koʻnikmasini oshirgan direktorlarni ragʻbatlantiradigan tizim endilikda texnikumlarda ham joriy qilinishi belgilandi.