Unda O‘zbekiston Respublikasi Energetika vaziri J.Mirzamahmudov, Qirg‘iziston Respublikasi Energetika vaziri T.Ibraev, Qozog‘iston Respublikasi Energetika vaziri Yo.Akkenjenov va Qozog‘iston suv xo‘jaligi va irrigatsiya vaziri N.Nurjigitov ishtirok etdi.

Shuningdek, O‘zbekiston Respublikasi Suv xo‘jaligi vaziri Sh.Xamraev hamda Tojikiston Respublikasi Energetika va suv xo‘jaligi vaziri D.Juma videokonferensaloqa shaklida ishtirok etishdi.

Muzokaralar chog‘ida so‘nggi yillarda do‘st va qardosh davlatlar rahbarlari tashabbusi bilan yo‘lga qo‘yilgan ko‘p tomonlama hamkorlik barcha yo‘nalishlarda, xususan, yoqilgi-energetika sohasida izchil va samarali rivojlanayotgani alohida ta’kidlandi.

Yig‘ilishning asosiy maqsadi 2026–2027 yillar vegetatsiya davrida mintaqadagi suv-energetika tizimlarining barqaror va kelishilgan ish rejimini ta’minlash masalalarini muhokama qilishdan iborat bo‘ldi. Tomonlar bu borada hamkorlikni yanada kuchaytirish zarurligini qayd etdilar.

Shu bilan birga, kuz-qish mavsumining yakunlari sarhisob qilinib, energetika yuklamalarini muvozanatlash hamda tizimlarning uzluksiz ishlashini ta’minlash bo‘yicha aniq chora-tadbirlar ko‘rib chiqildi.

Uchrashuv yakunida ishtirokchilar kelishilgan rejimlarni amalga oshirishni davom ettirish, tarmoqlararo muvofiqlashtirishni mustahkamlash va mintaqaviy energetika hamkorligini chuqurlashtirishga kelishib oldilar.

Keyingi uchrashuvlar 2026 yil may oyida Toshkent shahrida va iyun oyida Bishkek shahrida o‘tkazilishi belgilandi.