Tadbir ishtirokchilari mintaqaviy hamkorlikning dolzarb mavzulari, jumladan, iqtisodiyot sohasida, savdo va investitsiyalar, transport va tranzit, mintaqaviy xavfsizlikni taʼminlash, zamonaviy tahdidlar va xavf-xatarlarga qarshi birgalikda kurash sohalarida aloqalar samaradorligini oshirish istiqbollarini koʻrib chiqdilar.
Tomonlar Markaziy Osiyo davlatlari Rahbarlarining navbatdagi, toʻrtinchi, Maslahatlashuv uchrashuviga tayyorlarlik koʻrish va uni oʻtkazish bilan bogʻliq masalalar yuzasidan ham fikr almashdilar.
Kelgusi sammit doirasida imzolanishi rejalashtirilgan XXI asrda Markaziy Osiyoni rivojlantirish maqsadida Doʻstlik, yaxshi qoʻshnichilik va hamkorlik toʻgʻrisidagi shartnoma mintaqamiz mamlakatlari hamkorligi tarixida yangi davrni boshlab berishi taʼkidlandi.
Tomonlarning yakdil fikricha, mintaqamiz davlatlari oʻrtasidagi izchil va oʻzaro manfaatli hamkorlik Markaziy Osiyoning barqaror taraqqiyoti va umumiy farovonligini taʼminlash gʻoyasiga mutlaq monanddir.
