Mazkur taqdimotdan soʻng logotip, uning ranglari, tuzilishi va dizayni xususida ijtimoiy tarmoqlarda koʻplab fikr-mulohazalar bildirildi, deya xabar beradi Markaziy saylov komissiyasi matbuot xizmati.
Qayd etilishicha, ushbu muhokamalarda bildirilgan takliflar Markaziy saylov komissiyasining ishchi guruhi tomonidan soha mutaxassislarini jalb qilgan holda oʻrganildi. Oʻrganishlar natijasida logotipga ayrim imloviy tuzatishlar kiritildi.
Shuningdek, mazkur logotipni yaratish jarayoniga mablagʻ sarf etilmaganligi maʼlum qilinadi.
Markaziy saylov komissiyasi mamlakatimiz jamoatchiligi saylov jarayonlariga befarq emasligini eʼtirof etadi va oʻz minnatdorligini bildiradi. Kelgusida ham Markaziy saylov komissiyasining faoliyati borasida bildirilgan har qanday xolis fikr-mulohaza eʼtiborsiz qolmaydi, deyiladi xabarda.